ଶ୍ରୀକାନ୍ତଙ୍କ ନିଶାନାରେ ନିରଞ୍ଜନ,ଖଣି ଚୋର ପରେ ଆଣିଲେ ଲାଂଚ ଅଭିଯୋଗ

https://www.facebook.com/nnsodia/videos/267154983995629/?t=5

ଭୁବନେଶ୍ୱର: କଂଗ୍ରେସ ଆଭ୍ୟନ୍ତରୀଣ କନ୍ଦଳ କ୍ରମେ ବୃଦ୍ଧି ପାଇବାରେ ଲାଗିଛି । ବରିଷ୍ଠ ନେତା ଶ୍ରୀକାନ୍ତ ଜେନା ଦଳ ଭିତରେ ଏବେ ବିଦ୍ରୋହୀ ସାଜିଛନ୍ତି । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ହିଁ ଆକ୍ଷେପ କରି ବାଣ ପରେ ବାଣ ମାରି ଚାଲିଛନ୍ତି । ଆତୀତ ଘଟଣାକୁ ଉଖାରି ନିରଞ୍ଜନଙ୍କ ପ୍ରତିଷ୍ଠାରେ ଆଂଚ ଆଣିବା ପାଇଁ ସେ ଉଦ୍ୟମ କରିଚାଲିଛନ୍ତି । ଆଜି ନିରଞ୍ଜନଙ୍କ ବିରୋଧରେ ସାଙ୍ଘତିକ ଅଭିଯୋଗ ଆଣିଛନ୍ତି ।
ଦଳ ଶୃଙ୍ଖଳା ଭଙ୍ଗ କରିବା ଅବିଯୋଗରେ ଶ୍ରୀକାନ୍ତଙ୍କ ବିରୋଧରେ ବିଚାର ପାଇଁ ଆଜି ଶୃଙ୍ଖଳା ବୈଠକ ବସିବା ପରେ ଏହାକୁ ନେଇ ସେ ଅଧିକ କ୍ଷୁବ୍ଧ ହୋଇଛନ୍ତି ।
ବାରମ୍ବାର ସେ ନିରଞ୍ଜନ ଖଣି ଚୋର ବୋଲି ଆକ୍ଷେପ କରି ଆସୁଥିଲା ବେଳେ ଆଜି ମଧ୍ୟ ପୁଣି ଏହି କଥା କହିବା ସହ ଲାଂଚ ନେଇ ଅତୀତରେ କୋର୍ଟ ନିରଞ୍ଜନଙ୍କ ସଂପର୍କରେ ରଖିଥିବା ଟିପ୍ପଣୀ ବିଷୟ ଉଠାଇ କଡା ସମାଲୋଚନା କରିଛନ୍ତି । ଶ୍ରୀକାନ୍ତ ଆଉ ଚୁପ ହୋଇ ନବସି ପୂରା ଦମରେ ଲାଗିପଡିଛନ୍ତି ନିରଞ୍ଜନଙ୍କୁ ଯେପରି ହେଉ ଜନସାଧାରଣଙ୍କ ଆଗରେ ଅପଦସ୍ତ କରିବେ ।
ଶ୍ରୀକାନ୍ତ ବାରମ୍ବାର ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ସମାଲୋଚନା କରିବା ଓ ଦଳ ଆଭିମୁଖ୍ୟ ବାହାରେ ଯାଇ ଆଦିବାସୀ, ଦଳିତ ଓ ପଛୁଆ ଶ୍ରେଣୀର ଜଣଙ୍କୁ ମୁଖ୍ୟମନ୍ତ୍ରୀ ଘୋଷଣା କରାଯିବା ନେଇ ଦାବୀ ରଖିଛନ୍ତି । ସେ ବାରମ୍ବାର ଗଣମାଧ୍ୟମକୁ ଆସି ମତ ରଖୁଥିବାରୁ ତାଙ୍କ ସମ୍ପର୍କରେ ବାଚାର ପାଇଁ ହେମାନନ୍ଦ୍ ବିଶ୍ୱାଳଙ୍କ ଅଧ୍ୟକ୍ଷତାରେ ବସିଥିଲା । ବୈଠକ ପରେ ଶ୍ରୀ ବିଶ୍ୱାଳ କହିଛନ୍ତି, ଶ୍ରୀକାନ୍ତଙ୍କ ଆଚରଣ ନେଇ ଶୃଙ୍ଖଳା ବସି ଆଲୋଚନା କରାଯାଇଥିଲା । କମିଟି ସଦସ୍ୟମାନେ ନିଜ ନିଜର ମତ ଦେଇଛନ୍ତି । ଶ୍ରୀକାନ୍ତ ଏଆଇସିସି ସଦସ୍ୟ ହୋଇଥିବାରୁ ତାଙ୍କ ସମ୍ପର୍କରେ ଏଆଇସିସି ନିଷ୍ପତ୍ତି ନେବ । କମିଟିର ମତ ଏଆଇସିସିକୁ ଜଣାଇ ଦିଆଯିବ ।
ଶ୍ରୀ ବିଶ୍ୱାଳଙ୍କ ଏହି ମତ ଆସିବା ପରେ ଶ୍ରୀକାନ୍ତ ଦଳ ବିରୋଧୀ କାର୍ଯ୍ୟ କରିଥିବା ନେଇ ଏକ ପ୍ରକାରର ସୂଚନା ମିଳୁଛି । ଏହି ବିଷୟ ଗଣମାଧ୍ୟମକୁ ଆସିଲା ପରେ ଶ୍ରୀକାନ୍ତ ଶୃଙ୍ଖଳା ଭଙ୍ଗ ପ୍ରସଙ୍ଗରେ କଡା ଟିପ୍ପଣୀ ଦେଇଛନ୍ତି । ସେ କହିଛନ୍ତି, ଦଳୀୟ ଶୃଙ୍ଖଳା ଭଙ୍ଗ କଣ ମୁଁ ଜାଣିନାହିଁ । ଏନେଇ ମୋତେ ଯଦି ଏଆସିସି ବା ପିସିସି ପଚାରେ ମୁଁ ଉତ୍ତର ଦେବି । କିନ୍ତୁ ମୁଁ କେବେ ଜୀବନରେ ଖଣି ଚୋରି କରିନାହିଁ । ମୁଁ ଖଣି ଚୋରି କରିନାହିଁ କି ଲାଂଚ ଦେଇ କୋର୍ଟରେ ଭର୍ତ୍ସିତ ହୋଇନି ବୋଲି ଶ୍ରୀକାନ୍ତ କହିଛନ୍ତି ।
ଶ୍ରୀକାନ୍ତ ସବୁବେଳେ ଖଣି ଚୋର ବୋଲି ନିରଞ୍ଜନ କହିଆସୁଛନ୍ତି । କିନ୍ତୁ ଲାଂଚ ଦେଇ କୋର୍ଟରେ ଭର୍ତ୍ସିତ ହେବା କଥା କହିନଥିଲେ । ଅତୀତରେ ନିରଞ୍ଜନ ଯେତେବେଳେ ମନ୍ତ୍ରୀ ଥିଲେ ସେ ସମୟରେ ଏହି ଲାଂଚ ଦେବା ଘଟଣା ନେଇ ଓଡିଶା ହାଇକୋର୍ଟଙ୍କ ଭର୍ତ୍ସନା କରିଥିଲେ । ଏଥିନେଇ ତାଙ୍କୁ ମନ୍ତ୍ରୀ ପଦରୁ ସେତେବେଳେ ଇସ୍ତଫା ଦେବାକୁ ପଡିଥିଲା । କିନ୍ତୁ ପରେ ସୁପ୍ରିମକୋର୍ଟରୁ ନିରଞ୍ଜନଙ୍କୁ ରିହାତି ମିଳିଥିଲା । ହାଇକୋର୍ଟଙ୍କ ରାୟ ବିରୋଧରେ ସେ ସୁପ୍ରିମକୋର୍ଟ ଯାଇଥିଲେ । ସୁପ୍ରିମକୋର୍ଟ ଶୁଣାଣି କରି ହାଇକୋର୍ଟଙ୍କ ଏହି ରାୟକୁ ଖାରଜ କରିଥିଲେ । ପରବର୍ତ୍ତୀ ସମୟରେ ନିରଞ୍ଜନ ପୁଣି ମନ୍ତ୍ରୀ ହୋଇଥିଲେ । ସୁପ୍ରମିକୋର୍ଟ ଖାରଜ କରିଥିବା ବିଷୟକୁ ଶ୍ରୀକାନ୍ତଙ୍କ ଭଳି ଅଭିଜ୍ଞ ବେଶ ଅବଗତ ଥିବେ । ଏଣୁ ଏ ଘଟଣା କାହିଁକି ଉଖାରିଲେ ତାହା ଆଉ ବୁଝିବାକୁ ବାକି ନାହିଁ ବୋଲି ଆଲୋଚନା ହେଉଛି ।

ବଢୁଛି ନିରଞ୍ଜନ-ଶ୍ରୀକାନ୍ତଙ୍କ କଳି

3 ମତାମତ ଦିଅନ୍ତୁ

  1. Sata srikanta baboo khani chori karinahanti kintu
    Srikanta baboo BADA CHALAKI RE BAHUT CHORI KARICHANTI SEGUDIKA PADA KU ASHILE BADA SANGHTIKA

ମତାମତ ଦିଅନ୍ତୁ

Please enter your comment!
Please enter your name here