ଶନିବାର ଅପରାହ୍ନ ୩ ଟାରେ ପହଞ୍ଚିବେ ମୋଦି : ସୁରକ୍ଷା ବ୍ୟବସ୍ଥା ଯାଞ୍ଚ କଲେ ପୋଲିସ୍ ଡିଜି

2

ଭୁବନେଶ୍ବର : କାଲି କଟକ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥିପାଇଁ ପୁରା ସୁରକ୍ଷା ବ୍ୟବସ୍ଥା ଯାଞ୍ଚ କରିଛନ୍ତି ପୋଲିସ୍ ଡିଜି । ବିମାନବନ୍ଦର, ହେଲିପ୍ୟାଡ, ସଭାସ୍ଥଳଠାରୁ ଆରମ୍ଭ କରି କଟକ ଭୁବନେଶ୍ବର ରାସ୍ତାରେ ସରୁକ୍ଷା ବ୍ୟବସ୍ଥା ପକ୍କା କରାଯାଇଛି । ପାଗ ଭଲ ନରହିଲେ ବିମାନବନ୍ଦରରୁ କଟକ ଯାଏଁ ରାସ୍ତାରେ ଯିବେ ମୋଦି । ତେଣୁ ପୁରା ରାସ୍ତାରେ କାରକେଡ୍ ରାଲିର ମକ ଡ୍ରିଲ କରାଯାଇଛି ।

ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ କାରକେଡ୍ ରିହରସଲ ସରିଛି ଭୁବନେଶ୍ବର ବିଜୁ ପଟ୍ଟନାୟକ ବିମାନବନ୍ଦରରୁ ବାହାରି ହେଲିପ୍ୟାଡ ଦେଇ କଟକ କିଲ୍ଲା ପଡିଆ ସଭାସ୍ଥଳ ପର୍ଯ୍ୟନ୍ତ କାରକେଡ୍ ରାଲି ଶନିବାର ଅପରାହ୍ନ ୩ ଟାରେ ପ୍ରଧାନମନ୍ତ୍ରୀ ଭୁବନେଶ୍ବର ବିମାନବନ୍ଦରରେ ପହଞ୍ଚିବେ । ସେଠାରେ ୧୫ ମିନିଟ୍  ଦଳୀୟ ନେତାଙ୍କୁ ଭେଟିବେ । ଏହାପରେ ବାୟୁସେନା ହେଲିକପ୍ଟରରେ କଟକ ଯିବେ । ପାଗ ଖରାପ ରହିଲେ ରାସ୍ତାରେ ପ୍ରଧାନମନ୍ତ୍ରୀ ସଭାସ୍ଥଳକୁ ଯିବେ । ଉଭୟ ବ୍ୟବସ୍ଥାକୁ ବିଚାରକୁ ନେଇ କଡା  ସୁରକ୍ଷା ବ୍ୟବସ୍ଥା ଗ୍ରହଣ କରିଛି କମିଶନରେଟ୍‌ ପୋଲିସ । ପ୍ରଧାନମନ୍ତ୍ରୀଙ୍କ ସୁରକ୍ଷା ନେଇ ଥିବା ବ୍ଲୁ ବୁକ୍ ଗାଇଡ୍‌ଲାଇନ୍ ଅନୁସାରେ ସୁରକ୍ଷା ବ୍ୟବସ୍ଥାକୁ କଡାକଡି ଯାଞ୍ଚ କରାଯାଇଛି । ସଭାସ୍ଥଳ, ହେଲିପ୍ୟାଡ୍ ସହ ପ୍ରଧାନମନ୍ତ୍ରୀ ଯେଉଁ ରାସ୍ତାରେ ଯିବେ, ସେ ସବୁ ଅଞ୍ଚଳରେ ସୁରକ୍ଷା ବ୍ୟବସ୍ଥା ଯାଞ୍ଚ୍ କରିଛନ୍ତି ପୋଲିସ ଡିଜି ଆରପି ଶର୍ମା ।

ପୁରା ସୁରକ୍ଷା ବ୍ୟବସ୍ଥାକୁ ଅନୁଧ୍ୟାନ କରୁଛନ୍ତି ଏସ୍‌ପିଜି । ପ୍ରଧାନମନ୍ତ୍ରୀଙ୍କ କାରକେଡ୍ ବାହାରିବାର ଅଧଘଣ୍ଟା ଆଗରୁ ରାସ୍ତାକୁ ସାଧାରଣ ଯାତାୟତ ପାଇଁ ବନ୍ଦ କରି ଦିଆଯିବ । କଟକରୁ ଯଦି ପ୍ରଧାନମନ୍ତ୍ରୀ ରାସ୍ତାରେ ଫେରିବେ ସେଥିଲାଗି ଅନୁରୁପ ବ୍ୟବସ୍ଥା କରାଯାଇଛି । ପ୍ରାୟ ୫୫ଜଣ ଗୁଇନ୍ଦା କୋବ୍ରା , ସ୍ଥଳବାହିନୀ ଏବଂ ଓଡିଶା ପୋଲିସକୁ, ଏସପିଜି ଅଧିକାରୀମାନେ ସୁରକ୍ଷା ନେଇ ସ୍ବତନ୍ତ୍ର ତାଲିମ ଦେଇଛନ୍ତି । ସେହିପରି ପ୍ରଧାନମନ୍ତ୍ରୀଙ୍କ ଗସ୍ତ ବେଳେ ଟ୍ରାଫିକ୍ କଟକଣା ଲାଗୁ ହେବ ।  ମୋଦିଙ୍କ ସଭାସ୍ଥଳ ପାଖରେ ୪ଟି ସ୍ଥାନରେ ପାର୍କିଂ ବ୍ୟବସ୍ଥା କରାଯାଇଛି ।

ହେଲିପ୍ୟାଡରୁ ସଭା ସ୍ଥଳର ଦୂରତା ୩.୫ କିମି ଥିବାରୁ ରାସ୍ତାର ଦୁଇ ପାର୍ଶ୍ବରେ ବାରିକେଡିଂ ହୋଇଛି ।ମୋଦିଙ୍କ ଗସ୍ତ ସମୟରେ ସୁରକ୍ଷା ଲାଗି ପ୍ରାୟ ୭୧ ପ୍ଲାଟୁନ୍ ପୁଲିସ ଫୋର୍ସ ମୁତୟନ ରହିବେ । ସଭାସ୍ଥଳରେ ଏସପିଜି ଓ ଏନଏସ ଜି ଟିମ ମଧ୍ୟ ମୁତୟନ ହେବେ ।

LEAVE A REPLY

Please enter your comment!
Please enter your name here