ହକି ବିଶ୍ବକପ୍ ୨୦୧୮ : ଆଜି ସ୍ପେନ୍-ଫ୍ରାନ୍ସ ଓ ନ୍ୟୁଜିଲାଣ୍ଡ-ଆର୍ଜେଣ୍ଟିନା ମଧ୍ୟରେ ହେବ ଟକ୍କର

ଭୁବନେଶ୍ବର : ଆଜି ହକି ବିଶ୍ବକପ ପୁଲ୍-ଏରେ ଖେଳାଯିବ ୨ଟି ମ୍ୟାଚ। ସ୍ପେନ୍ ସହିତ ଫ୍ରାନ୍ସ,ଓ ନ୍ୟୁଜିଲାଣ୍ଡ ସହିତ ଆର୍ଜେଣ୍ଟିନା ମଧ୍ୟରେ ହେବ ଟକ୍କର। ଆର୍ଜେଣ୍ଟିନା ଯଦି ଆଜିର ମ୍ୟାଚ ଜିତେ ସିଧା କ୍ବାର୍ଟର ଫାଇନାଲକୁ ଯିବ। ଏପଟେ ସ୍ପେନ୍-ଫ୍ରାନ୍ସ ପାଇଁ କର ବା ମର ସ୍ଥିତି।
ପୁଲ୍-ସିରେ ଭାରତ-ବେଲଜିୟମ, କାନାଡା-ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ଦୁଇଟି ସଂଘର୍ଷପୂର୍ଣ୍ଣ ମ୍ୟାଚ ପରେ ଏବେ ହକିପ୍ରେମୀଙ୍କ ନଜର ପୁଲ୍-ଏରେ ଦୁଇଟି ମ୍ୟାଚ ଉପରେ। ପୁଲ୍-ଏ ରେ ଆଜି ଖେଳାଯିବ ଦୁଇଟି ମ୍ୟାଚ୍। ସ୍ପେନ-ଫ୍ରାନ୍ସ ଓ ନ୍ୟୁଜିଲାଣ୍ଡ-ଆର୍ଜେଣ୍ଟିନା ମଧ୍ୟରେ ହେବ ଟକ୍କର। ନଭେମ୍ବର ୨୯ରେ ଖେଳାଯାଇଥିବା ମ୍ୟାଚରେ ସ୍ପେନକୁ ଆର୍ଜେଣ୍ଟିନା ୪-୩ରେ ହରାଇଥିବାବେଳେ ଫ୍ରାନ୍ସକୁ ୨-୧ଗୋଲରେ ପରାସ୍ତ କରିଥିଲା ନ୍ୟୁଜିଲାଣ୍ଡ। ତେଣୁ ଉଭୟ ଦଳ ପାଇଁ ଆଜି କର ବା ମର ମ୍ୟାଚ୍।