ତିତିଲି ବାତ୍ୟାରେ ଫସଲ ନଷ୍ଟ ହେବାରୁ ବିଷ ପିଇ ଜୀବନ ହାରିଲେ ଚାଷୀ

କେନ୍ଦ୍ରାପଡା : ରାଜ୍ୟରେ ଚାଷୀ କେତେବେଳେ ଚାଷକୁ ନେଇ ତ କେତେବେଳେ ପଇସା କରଜକୁ ନେଇ ଆତ୍ମହତ୍ୟା କରିଥିବା ଦେଖିବାକୁ ମିଳୁଛି | ଆଜି ପୁଣି କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ନପଙ୍ଗ ଗାଁରେ ପୁଣି ଜଣେ ଚାଷୀ ଆତ୍ମହତ୍ୟା କରିଛନ୍ତି । ମୃତ ଚାଷୀ ଜଣକ ହେଲେ ଗୌରାଙ୍ଗ ଚରଣ କାପ। ସେ ବିଷ ପିଇ ଆତ୍ମହତ୍ୟା କରିଥିବା ଖବର ଆସିଛି |
ଗୌରାଙ୍ଗ ତିନି ଏକର ଜମିରେ ଧାନ ଚାଷ କରିଥିଲେ । ତେବେ ତିତିଲି ବାତ୍ୟାରେ ସମସ୍ତ ଫସଲ ନଷ୍ଟ ହୋଇ ଯାଇଥିବାରୁ ସେ ମାନସିକ ଭାରସାମ୍ୟ ହରାଇ ବିଷ ପିଇଥିବାର ଅଭିଯୋଗ ହୋଇଛି। ତାଙ୍କୁ ଗୁରୁତର ଅବସ୍ଥାରେ ପରିବାର ଲୋକେ ମେଡିକାଲକୁ ନେଇଥିଲେ। ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।