ଲୋକେ କଣ ଚାହୁଁଛନ୍ତି ତାହା ଜାଣିଲେଣି ବୈଜୟନ୍ତ, ଖୁବଶୀଘ୍ର କରିବେ ଘୋଷଣା

https://www.facebook.com/nnsodia/videos/267154983995629/?t=5

ଭୁବନେଶ୍ୱର: ପୂର୍ବତନ ସାଂସଦ ବୈଜୟନ୍ତ ପଣ୍ଡା ବିଜେଡି ଛାଡ଼ିଲା ପରେ କୁଆଡ଼େ ଯିବେ ତାକୁ ନେଇ ନାନା କଳ୍ପନା ଜଳ୍ପନା ଲାଗି ରହିଛି । ସେ କିନ୍ତୁ ତାଙ୍କ ମନୋଭାବ ସ୍ପଷ୍ଟ ନ କରି ଝୁଲାଇ ରଖି ଚାଲିଥିଲେ । ଲୋକଙ୍କ ମତ ଉପରେ ତାଙ୍କ ରାଜନୈତିକ ଭବିଷ୍ୟତ ଛାଡ଼ିଥିଲେ । ଏବେ ସେ ଖୋଲାଖୋଲି କହିଛନ୍ତି ଲୋକେ କଣ ଚାହୁଁଛନ୍ତି ସେ ଏହା ମଧ୍ୟରେ ଜାଣି ସାରିଲେଣି । ଖୁବଶୀଘ୍ର ସେ ତାଙ୍କ ନିଷ୍ପତ୍ତି ଘୋଷଣା କରିବେ । ଆଉ ଚାଲିଥିବା କଳ୍ପନା ଜଳ୍ପନାର ଅନ୍ତ ଘଟାଇବେ । ସେ ବିଜେପିରେ ଯୋଗ ଦେଉ ନ ଥିବା କଥା ଏକ ପ୍ରକାର ସ୍ପଷ୍ଟ ହୋଇଯାଇଛି । ହେଲେ ବିଜେପି ସହଯୋଗ ସେ ଛାଡ଼ିବେ ନାହିଁ । ଏକଥାର ସୂଚନା ମଧ୍ୟ ମିଳିଛି ।
ସୋମବାର ଦିଲ୍ଲୀରେ ବୈଜୟନ୍ତଙ୍କ ରଚିତ ପୁସ୍ତକର ଉନ୍ମୋଚନ ହୋଇଛି । ପୂର୍ବରୁ ସେ କହିଥିଲେ ଏହି ପୁସ୍ତକ ଉନ୍ମୋଚ ପରେ ସେ ତାଙ୍କ ରାଜନୈତିକ ଭବିଷ୍ୟତ କଥା ଜଣାଇବେ । ଦିଲ୍ଲୀରେ ପୁସ୍ତକ ଉନ୍ମୋଚନ ପରେ ଗଣମାଧ୍ୟମ ପ୍ରଶ୍ନର ଉତ୍ତର ଦେଇ ସେ କହିଛନ୍ତି ଲୋକଙ୍କ ମତ କଣ ତାହା ଜାଣିସାରିଲେଣି । ଆଉ ସେ ତାଙ୍କ ଘୋଷଣା ଖୁବଶୀଘ୍ର କରିବାକୁ ଯାଉଛନ୍ତି । ବୈଜୟନ୍ତ କହିଛନ୍ତି ଏବେ ମୁଁ ପୁରା ଫାଇନାଲ ଷ୍ଟେଜରେ ଅଛି, ମୋର ନିଷ୍ପତ୍ତି ନେବା ପାଇଁ । ଏହି ନିଷ୍ପତ୍ତି ନେଇ ମୁଁ ଘୋଷଣା କରିବି । ମୋ ବିଷୟରେ ବହୁତ ଲୋକ ବହୁତ କଥା କହିଥିବେ । ମୁଁ ଦଳ ଓ ପାର୍ଲାମେଣ୍ଟ ଛାଡ଼ିଲା ପରେ ୭ ମାସ ହେଲାଣି କିନ୍ତୁ ଯାହା ମୋ ବିଷୟରେ କହୁଥିଲେ ତାହା ହେଲାନାହିଁ । କାରଣ ସେପରି କିଛି ନ ଥିଲା । ମୁଁ ସ୍ୱାଭୀମାନକୁ ଆଖି ଆଗରେ ରଖି ଦଳ ଓ ପାର୍ଲାମେଣ୍ଟ ଛାଡ଼ିଥିଲି । ଗତ ୭ ମାସ ହେଲା ମୁଁ ବିଭିନ୍ନ ଜାଗା ବୁଲି ଲୋକଙ୍କ ସହ ଆଲୋଚନା କରି ଆସୁଛି । ଲୋକେ କଣ ଚାହୁଁଛନ୍ତି ସେ ବିଷୟରେ ମୋର ଧାରଣା ଆସିଲାଣି । ସେ ଦିଗରେ ମୁଁ ଖୁବଶୀଘ୍ର ନିଷ୍ପତ୍ତି ନେବାକୁ ଯାଉଛି ।
ବୈଜୟନ୍ତ ବିଜେଡି ଛାଡ଼ିଲା ପରେ ବିଜେପିରେ ଯୋଗଦେବା ନେଇ ଯେଉଁ ଚର୍ଚ୍ଚା ହେଉଥିଲା ତାହା କେବଳ ତାଙ୍କର କାର୍ଯ୍ୟଧାରାକୁ ଭିତ୍ତିକରି କରାଯାଉଥିଲା । କାରଣ ବିଜେଡିରେ ଥିଲା ବେଳେ ବୈଜୟନ୍ତ ସବୁବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମର୍ଥନ କରିଆସୁଥିଲେ । ଏଥିନେଇ ଦଳର ସୁପ୍ରିମୋ ଓ ନେତାମାନଙ୍କ ସହ ତାଙ୍କର ମତପାର୍ଥକ୍ୟ ହୋଇଥିଲେ ବି ତାହାକୁ ସେ ଗୁରୁତ୍ୱ ଦେଉ ନ ଥିଲେ । ଯାହା ଫଳରେ ତାଙ୍କୁ ଶେଷରେ ଦଳ ଓ ସାଂସଦ ପଦ ଛାଡ଼ିବାକୁ ହେଲା । ଏ କ୍ଷେତ୍ରରେ ସେ ଦଳ ଛାଡ଼ିଲା ପରେ ବିଜେପି ନେତାମାନେ ତାଙ୍କୁ ଡାକି ସମ୍ବର୍ଦ୍ଧିତ କଲେ । କିନ୍ତୁ ମିଶିବା ପୂର୍ବରୁ ସେ ଯେଉଁ ସର୍ତ୍ତମାନ ରଖିଲେ ତାହା ବିଜେପି ନେତାଙ୍କ ପାଇଁ ପୂରଣ କରିବା ସମ୍ଭବ ହେଲାନାହିଁ । ଫଳରେ ବୈଜୟନ୍ତ ଆଉ ଯୋଗ ଦେଇ ପାରିଲେ ନାହିଁ ବୋଲି କୁହାଯାଉଛି । ଆରଏସଏସ ମୁଖ୍ୟ ମୋହନ ଭାଗବତ ଓଡ଼ିଶା ଗସ୍ତରେ ଆସିଥିଲା ବେଳେ ବୈଜୟନ୍ତଙ୍କ ପତ୍ନୀ ଯାଇ ତାଙ୍କୁ ଭେଟି ଆଲୋଚନା କରିଥିଲେ । ସେତେବେଳେ ମଧ୍ୟ ଆଲୋଚନା ଆହୁରି ଜୋରଦାର ହୋଇଥିଲା । କିନ୍ତୁ ସବୁ କିଛି ଠିକଠାକ ଚାଲିଲାନାହିଁ । ଯାହାଦ୍ୱାରା ଆଉ ସେ ବିଜେପିକୁ ଯାଇ ପାରିଲେ ନାହିଁ ।
କିନ୍ତୁ ଏବେ ଯେଉଁ ସୂଚନା ମିଳୁଛି ସେଥିରେ ଖାରବେଳ ସ୍ୱାଇଁଙ୍କ ସହ ମହାମେଣ୍ଟ ଗଠନ କରି ବିଜେପି ସହ ବୁଝାମଣା କରିବେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାଟ ରୋକିପାରିବେ ଏବଂ ସେ ଯଦି ଜିତିକି ଆସିବେ ତେବେ କେନ୍ଦ୍ରରେ ହେଉ କି ରାଜ୍ୟରେ ହେଉ ଗୁରୁତ୍ୱପୂର୍ଣ୍ଣ ଦାୟିତ୍ୱରେ ରହିବେ । ବିଜେପିରେ ନ ମିଶି ବିଜେପିକୁ ସହାୟତା କଲାଭଳି କାର୍ଯ୍ୟ କରିବେ ବୋଲି ଆଲୋଚନା ହେଉଛି ।

1 COMMENT

  1. […] ବିଜେପି ସମ୍ପର୍କରେ ସେ କହିଛନ୍ତି, ଗତ ୨ ବର୍… ବ୍ୟୁରେକ୍ରାଟ ଓ ଠିକାଦାରଙ୍କ ମଧ୍ୟରେ ମଧୁଚନ୍ଦ୍ରିକାରେ ଲକ୍ଷଲକ୍ଷ ଓଡିଆ ପରିବାରଙ୍କୁ ଠକନେଇଥିଲେ ସେମାନଙ୍କ ବିରୋଧରେ କିଛି କାର୍ଯ୍ୟନୁଷ୍ଠାନ ହେବ । କିନ୍ତା ତାହା ହେଲା ନାହିଁ । ଏହି ସମାନ ଘଟଣା କଂଗ୍ରେସ ଯେତେବେଳେ କେନ୍ଦ୍ରରେ ଥିଲା ଏହା ହୋଇଥିଲା । ମୁଁ ନବୀନ ବାବୁଙ୍କୁ ସମାଲୋଚନା କରେ କି ନକରେ କିନ୍ତୁ ସେ ଓଡିଶା ଲୋକଙ୍କ ପାଖରେ ଉତ୍ତରାଦାୟୀ । ଦଳ ବର୍ତ୍ତମାନ ହିଂସା ପଥ ଅବଲମ୍ବନ କରିଛି ଯେଉଁଥିରେ ଲୋକପ୍ରିୟତା କ୍ରମେ ଖସିବାରେ ଲାଗିଛି । ମୁଁ ତାଙ୍କୁ ବଡ ଭାଇ ଓ ଦଳର ନେତାମାନେ । କିନ୍ତୁ ସେ ଦଳକୁ କଟୋରି ହାତକୁ ଟେକିି ଦେଇଛନ୍ତି । ଆମେ ସଂଘର୍ଷ କରି ଦଳ ଗଠନ କରିବା ସମୟରେ ସେମାନେ ୧୫ ବର୍ଷ ଧରି ନଥିଲେ । ଓଡିଶାରେ ପ୍ରତ୍ୟେକ ସପ୍ତାହକୁ ଦୁଇ ତିନୋଟି ଗଣଦୁଷ୍କର୍ମ, ହତ୍ୟା ଭଳିି ଅପରାଧମାନ ଘଟିଚାଲିଛି । ଏହା ଘଟୁଛି କେବଳ ଦଳକୁ ହାଇଜ୍ୟାକ କରାଯାଇଛି । ସରକାର କିଛି ଦୃଢ କାର୍ଯ୍ୟାନୁଷ୍ଠାନ ନେଉ ନାହାନ୍ତି । ନବୀନ ଯେତେବେଳେ ରାଜନୀତିକୁ ଆସିଲେ ସେତେବେଳେ ସେ ଏକ ନୂଆ ଚିନ୍ତାଧାରା ଓ ଆଦର୍ଶ ରାଜନୀତିରେ ସୃଷ୍ଟି କରିଥିଲେ । ବହୁ କ୍ୟାବିନେଟମନ୍ତ୍ରୀଙ୍କୁ ୨୪ ଘଣ୍ଟା ଭିତରେ ଦୁର୍ନୀତି ଅଭିଯୋଗରେ ବିଦା କରିଛନ୍ତି । ଚାକିରିରେ ଥିବା ଆଇଏସ ଅଫିସରମାନଙ୍କୁ ଗିରଫ କରାଯାଇଛି । କିନ୍ତୁ ଗଲା ୫ ବର୍ଷ ମଧ୍ୟରେ ଦୁର୍ନୀତି ବହୁ ମାତ୍ରାରେ ବୃଦ୍ଧି ପାଇଛିି । ହେଲେ କେହି ଜଣେ ହେଲେ ଦୁର୍ନୀତି ବିରୋଧରେ ଗିରଫ ହୋଇ ନାହାନ୍ତି । ନବୀନ ଚତୁରତା ସହ ଦୁଇ ଜାତୀୟ ଦଳକୁ ଡିଲ କରୁଛନ୍ତି । ଗୋଟିଏ ଦଳ ଭାବୁଛି ସେମାନେ ଯଦି ନବୀନଙ୍କ ବିରୋଧରେ ଯାଆନ୍ତି ଅନ୍ୟ ଦଳର ଫାଇଦା ହେବ । ଯେତେବେଳେ ୧୦ ବର୍ଷ ୟୁପିଏ ଦଳ ଥିଲା କେବେହେଲେ ଚିଟଫଣ୍ଡ ଦୁର୍ନୀତି ହେଉ କି ଅନ୍ୟ କିଛି ଦୁର୍ନୀତି ହେଉ କିଛି କଠୋର କାର୍ଯ୍ୟନୁଷ୍ଟାନ ଓଡିଶାରେ ନିଆଯାଇନଥିଲା । ବିଜେପି ବର୍ତ୍ତମାନ ସେହି ସମାନ ଭୁଲ କରୁଛି । ବେଜେପି ଭାବୁଛି ପ୍ରକୃତରେ ବିଜେଡି ବିରୋଧରେ ଲଢେଇ କରାଯିବ ତେବେ ହୁଏତ କଂଗ୍ରେସ ଫାଇଦା ନେଇଯିବ । ବିଜେପି ଯେଉଁଭଳି ଭାବରେ କାର୍ଯ୍ୟକ୍ରମ ଗ୍ରହଣ କରୁଥିଲା ସେହିଭଳି ଭାବରେ ଯଦି ତଳ ସ୍ତରରେ ଦୁର୍ନୀତି ଓ ଅପରାଧ ବିରୋଧରେ କାର୍ଯ୍ୟକ୍ରମ ଜାରି ରଖିଥାନ୍ତା ତେବେ ବହୁ ଉରରକୁ ଉଠିବାର ସମ୍ଭାବନା ଥାଆନ୍ତା । ବିଜେପିର ସେ ବିଶ୍ୱାସ ନାହିଁ ବୋଲି ବୈଜୟନ୍ତ ମତ ରଖିଛନ୍ତି । […]

ମତାମତ ଦିଅନ୍ତୁ

Please enter your comment!
Please enter your name here