ସ୍ପଟ୍ ଫିକ୍ସିଙ୍ଗ ପରେ ଏବେ ଫେରିଲେ ଏହି ଶୋ’କୁ…

https://www.facebook.com/nnsodia/videos/267154983995629/?t=5

ମୁମ୍ୱାଇ, ଭାରତୀୟ ପୂର୍ବ କ୍ରିକେଟର ଶ୍ରୀସନ୍ଥ, ଏବେ କଲର୍ସ ଚ୍ୟାନେଲରେ ପ୍ରସାରିତ ହେଉଥିବା ରିୟାଲିଟି ସୋ’ “ବିଗ ବସ”ରେ ଯୋଗ ଦେଇଛନ୍ତି । ସେପ୍ଟେମ୍ବର ୨୦୧୩ରେ ସ୍ପଟ୍ ଫିକ୍ସିଙ୍ଗକୁ ନେଇ ତାଙ୍କୁ କ୍ରିକେଟରୁ ଆଜୀବନ ବାସନ୍ଦ କରାଯାଇଥିଲା । ଯାହା ପରେ ସେ ଆଉ କ୍ରିକେଟ ଖେଳି ପାରିବେ ନାହିଁ ବୋଲି ଭାବି ଚିନ୍ତିତ ହୋଇ ଯାଇଥିଲେ । ବିବାହର ଦିନ ପାଖରେ ଥିବାରୁ ସେ ବିବାହ କରିବେ କି ନାହିଁ ବୋଲି ଦ୍ୱନ୍ଦ୍ୱରେ ପଡ଼ି ଯାଇଥିଲେ । ଏତେ ସବୁ ମଧ୍ୟରେ ତାଙ୍କ ପରେ ଘର ସମ୍ଭାଳିବାକୁ ମାତା-ପିତାଙ୍କର ଆଉ ୩ ପୁଅ ଅଛନ୍ତି ବୋଲି ଭାବି ସେ ଆତ୍ମହତ୍ୟା କରିବା ପାଇଁ ନିଷ୍ପତ୍ତିି ନେଇଥିଲେ । କିନ୍ତୁ ଏ ସମୟରେ ତାଙ୍କର ସାହାସ ବଢ଼ାଇଥିଲେ ତାଙ୍କ ପ୍ରେମିକା ଭୁବନେଶ୍ୱରୀ ।ସବୁ ଜାଣି ସେ ବିବାହ କରିବା ପାଇଁ ହଁ ଭରିବା ପରେ ତାଙ୍କ ପାଇଁ ଶ୍ରୀସନ୍ଥ ନିଜ ମନରୁ ଆତ୍ମହତ୍ୟାର ଭାବନାକୁ ଦୂର କରିଥିଲେ । ବିବାହ ପରେ ଶ୍ରୀସନ୍ଥଙ୍କୁ ଜେଲ୍ ଯିବାକୁ ପଡ଼ିଥିବା ବେଳେ ସ୍ୱାମୀଙ୍କ ଦୁଃଖ ଅନୁଭବ କରିବା ପାଇଁ ଭୁବନେଶ୍ୱରୀ ରୋଷେଇ ଘରେ ଶୋଉଥିଲେ ବୋଲି ଶ୍ରୀସନ୍ଥ କହିଛନ୍ତି । ସୂଚନା ମୁତାବକ, ଭୁବନେଶ୍ୱରୀ ଶ୍ରୀସନ୍ଥଙ୍କଠାରୁ ୯ବର୍ଷ ସାନ ହୋଇଥିବା ବେଳେ ୬ ବର୍ଷ ପର୍ଯ୍ୟନ୍ତ ଦୁହେଁ ଦୁହିଁଙ୍କୁ ଡ଼େଟ୍ କରିଥିଲେ ।

୨୦୧୩ରେ ବିବାହ ହୋଇଥିବା ବେଳେ ୨୦୧୫ରେ ଶ୍ରୀସନ୍ଥ ଏକ ଶିଶୁକନ୍ୟାର ପିତା ହୋଇଥିବାର ସୌଭାଗ୍ୟ ପାଇଥିଲେ । ବର୍ତ୍ତମାନ ସେ କର୍ଲସର ସବୁଠାରୁ ବିବାଦିୟ ଶୋ “ବିଗ ବସ”ରେ ସେ ଫେରୁଛନ୍ତି । ତେବେ ତାଙ୍କୁ ନେଇ ଅନେକ ବ୍ୟକ୍ତିଗତ ରାଜର ଖୁଲାସା ହୋଇଛି । ତାଙ୍କ ପେସାଦାର ଜୀବନ ଖୋଲା ବହି ହୋଇଥିବା ବେଳେ ନିଜ ବ୍ୟକ୍ତିଗତ ଜୀବନକୁ ନେଇ ସେ କେବେ ହେଲେ କିଛି କୁହନ୍ତି ନାହିଁ । କିନ୍ତୁ ପ୍ରଥମ ଥର ପାଇଁ ସେ ବିଗ୍ ବସରେ ଯୋଗ ଦେଇ ତାଙ୍କ ଜୀବନରେ ତାଙ୍କ ସ୍ତ୍ରୀ ଭୁବନେଶ୍ୱରୀଙ୍କ ଗୁରୁତ୍ୱ କେତେ ତାହା ଜଣାଇଛନ୍ତି । ତେବେ ବାକି ରହିଲା ସେ କେତେ ଦିନ “ବିଗ ବସ” ଘରେ ରହିପାରୁଛନ୍ତି ।

ମତାମତ ଦିଅନ୍ତୁ

Please enter your comment!
Please enter your name here