ପୀଡିତା କହିଲେ, ମୋତେ ୧୬ ବର୍ଷରେ ୧୦୦ ଜଣ ଲୋକ ଦୁଷ୍କର୍ମ କରି ସାରିଥିଲେ

https://www.facebook.com/nnsodia/videos/267154983995629/?t=5

୧୩ ବର୍ଷ ବୟସରୁ ଯୌନ ନିର୍ଯ୍ୟାତନା ଆରମ୍ଭ, ୧୫ ବର୍ଷରେ ମାଆ,୧୦୦ ଜଣ ପୁରୁଷ ଯୌନ ଶୋଷଣ

ଲଣ୍ଡନ, କେବଳ ରାଜ୍ୟରେ ନୁହେଁ କି ଦେଶରେ ନୁହେଁ । ଯୌନ ନିର୍ଯ୍ୟାତନା ସମଗ୍ର ପୁଥିବୀରେ ଜୋରସୋର ଘଟୁଥିବା ଦେଖିବାକୁ ମିଳୁଛି । ବର୍ତ୍ତମାନ ଏପରି ଏକ ଲୋମହଂସକାରୀ ଘଟଣା ଘଟିଛି ବ୍ରିଟେନରେ । ବ୍ରିଟେନ୍‌ର ଶେଫିଲ୍‌ଡ୍ କ୍ରାଉନ୍‌ କୋର୍ଟରେ ଯୌନ ନିର୍ଯାତନା ମାମଲାର ଶୁଣାଣି ଚାଲିଥିବା ବେଳେ ଜଣେ ନାବାଳିକାଙ୍କ ଯୌନ ନିର୍ଯ୍ୟାତନା ସାମ୍ନାକୁ ଆସିଛି । ଜଣେ ୧୬ ବର୍ଷୀୟ ପୀଡ଼ିତା ସମସ୍ତଙ୍କ ଆଗରେ ତାଙ୍କ ସହ ଘଟିଥିବା ବର୍ବରତା ସମ୍ପର୍କରେ କହିଛନ୍ତି । ମାତ୍ର ୧୩ ବର୍ଷ ବୟସରୁ ହିଁ ତାଙ୍କୁ ଯୌନ ବ୍ୟଭିଚାରର ଶିକାର ହେବାକୁ ପଡ଼ିଥିଲା । ଏପରି କି ତାଙ୍କୁ ଯେତେବେଳେ ୧୫ ବର୍ଷ ହୋଇଥିଲା, ସେ ଗର୍ଭବତୀ ମଧ୍ୟ ହୋଇଥିଲେ । ତାଙ୍କୁ ୧୬ ବର୍ଷ ହେବା ବେଳକୁ ତାଙ୍କୁ ୧୦୦ ଜଣ ଲୋକ ଦୁଷ୍କର୍ମ କରି ସାରିଥିଲେ । ତାଙ୍କ କହିବା ଅନୁଯାୟୀ ୧୯୯୮ରୁ ୨୦୦୧ ଯାଏ ସେ ଯୌନ ଶୋଷଣର ଶିକାର ହୋଇଥିଲେ । ଏସିଆର ୮ ଜଣ ବ୍ୟକ୍ତି ୫ ଜଣ ଝିଅଙ୍କୁ ୧୯୯୮ରୁ ୨୦୦୩ ଯାଏ ଯୌନ ନିର୍ଯାତନା ଦେଇଥିବା ଘଟଣାରେ ଶେଫିଲ୍‌ଡ୍ କ୍ରାଉନ୍‌ କ୍ରାଉନ୍‌ କୋର୍ଟରେ ଶୁଣାଣି ବେଳେ ପୀଡ଼ିତା ଜଣଙ୍କ ଭିଡିଓ କନଫରେନ୍ସିଂ ଜରିଆରେ ନିଜ ସହ ଘଟିଥିବା ଅମାନୁଷିକ ଘଟଣା ସମ୍ପର୍କରେ କହିଛନ୍ତି । ସୂଚନାରୁପ୍ରକାଶ, ବ୍ରିଟେନ୍‌ରେ ରୋଥରହାମ୍‌ ଗ୍ରୁମିଂ ଯୌନ କେଳେଙ୍କାରୀ ଘଟଣା ପରେ ‘ଅପରେସନ୍‌ ଷ୍ଟୋଭଉଡ୍‌’ ଆରମ୍ଭ ହୋଇଥିଲା । ଏହି ସମୟରେ ୮ ଜଣ ଯୌନ ବ୍ୟଭିଚାରୀଙ୍କୁ ଗିରଫ କରାଯାଇଥିଲା । ପୀଡ଼ିତା ଜଣଙ୍କ କହିଛନ୍ତି, ଜଣକ ପରେ ଜଣେ ଏମିତି ୧୦୦ ଜଣ ତାଙ୍କ ଇଜ୍ଜତ ଲୁଟିଛନ୍ତି । କିଛି ପୁରୁଷ ବାରମ୍ବାର ମୋ ପାଖକୁ ଆସୁଥିବା ବେଳେ ଆଉ କିଛି ବ୍ୟକ୍ତି ଥରଟିଏ ଆସିଛନ୍ତି । ଯେଉଁ ପୁରୁଷମାନେ ଥରେ ଆସୁଥିଲେ ସେମାନଙ୍କୁ ମନେ ରଖିବା ମୋ ପାଇଁ କଷ୍ଟସାଧ୍ୟ ଥିଲା ବୋଲି ଝିଅ ଜଣଙ୍କ କହିଛନ୍ତି।ଯୌନ ବ୍ୟଭିଚାର ଘଟଣାରେ ଅଭିଯୁକ୍ତ ଥିବା ତନ୍‌ୱେର ଅଲ୍ଲୀ(୩୭) ଓ ମହମ୍ମଦ ଅଲ୍ଲୀ ଅଖତର୍‌(୩୭) ଉଭୟ ୧୯୯୮ରୁ ୨୦୦୧ ଯାଏ ଝିଅଟିକୁ ଯୌନ ନିର୍ଯାତନା ଦେଇଥିଲେ । ଏହି ସମୟରେ ଉଭୟ କୋର୍ଟରେ ମଧ୍ୟ ଉପସ୍ଥିତ ଥିଲେ । ଏହି ସମୟରେ ଅଲ୍ଲୀ ଓ ଅଖତରଙ୍କୁ ଯଥାକ୍ରମେ ୧୭ ଓ ୨୦ ବର୍ଷ ହୋଇଥିଲା । ପ୍ରାଥମିକ ଅବସ୍ଥାରେ ଝିଅ ଜଣଙ୍କ ଅଲ୍ଲୀ ଓ ଅଖତରଙ୍କୁ ପସନ୍ଦ କରୁ ନଥିଲେ । ତେବେ ପରବର୍ତ୍ତୀ ଅବସ୍ଥାରେ ଉଭୟଙ୍କ ସହ ଝିଅ ଜଣଙ୍କ ସମ୍ପର୍କ ରଖିବା ଆରମ୍ଭ କରିଥିଲେ । ତେବେ ସେ ଗର୍ଭବତୀ ଥିବା ବେଳେ ମଧ୍ୟ ଅଲ୍ଲୀ-ଅଖତର ତାଙ୍କ ସହ ଶାରିରୀକ ସମ୍ପର୍କ ରଖିଥିଲେ । ପୀଡ଼ିତା ଜଣଙ୍କ ଆହୁରି ସୂଚନା ଦେଇ କହିଥିଲେ ଯେ ଅଲ୍ଲୀ-ଅଖତର ତାଙ୍କ ଭଉଣୀଙ୍କ ସହ ମଧ୍ୟ ଶାରିରୀକ ସମ୍ପର୍କ ରଖିଥିଲେ ।

 

ମତାମତ ଦିଅନ୍ତୁ

Please enter your comment!
Please enter your name here