ଆସ୍ଥା ଭୋଟ: ହୋଇପାରେ କ୍ରସ୍ ଭୋଟିଂ

https://www.facebook.com/nnsodia/videos/267154983995629/?t=5

ନୂଆଦିଲ୍ଲୀ: ବିହାର ରାଜ୍ୟପାଳ କେଶରୀନାଥ ତ୍ରିପାଠୀ ଶୁକ୍ରବାର ନୀତୀଶ କୁମାରଙ୍କୁ ବିଧାନସଭାରେ ସଂଖ୍ୟା ଗରିଷ୍ଠତା ପ୍ରମାଣ କରିବାକୁ କହିଛନ୍ତି । କିନ୍ତୁ ଏହା ପୂର୍ବରୁ ଜନତା ଦଳ ୟୁନାଇଟେଡ(ଜେଡିୟୁ)ର ଅସନ୍ତୁଷ୍ଟ ବିଧାୟକମାନେ ଗୁରୁବାର ସନ୍ଧ୍ୟାରେ ଏକ ବୈଠକ ଡାକିଛନ୍ତି। ଗଣମାଧ୍ୟମର ରିପୋର୍ଟ ଅନୁସାରେ ଶରଦ ଯାଦବ, ଅଲ୍ଲୀ ଅନଓ୍ଵାର ଓ ସାଂସଦ ବିରେନ୍ଦର କୁମାର ଦିଲ୍ଲୀରେ ସନ୍ଧ୍ୟା ୫ଟାରେ ବୈଠକ ରଖିଛନ୍ତି। ଶରଦ ଯାଦବଙ୍କ ନିବାସରେ ଏହି ବୈଠକ ହେବ। ବିହାର ରାଜନୀତିରେ ହଠାତ୍‌ ପରିବର୍ତ୍ତନ ଦେଖାଯିବା ସହିତ ଜେଡିୟୁ ଲାଲୁଙ୍କ ନେତୃତ୍ୱରେ ପରିଚାଳିତ ଆରଜେଡି ଓ କଂଗ୍ରେସକୁ ଛାଡି ଏନ୍‌ଡିଏର ହାତ ଧରିଛି। କିନ୍ତୁ ନୀତିଶ କୁମାର ଏନଡିଏ ସହିତ ହାତ ମିଳାଇବା ପୂର୍ବରୁ ଦଳୀୟ ବିଧାୟକ ଓ ସାଂସଦଙ୍କ ସହିତ ଠିକ ଭାବରେ ଆଲୋଚନା କରି ନ ଥିବା ସନ୍ଦେହ କରାଯାଉଛି, ଯେଉଁଥି ପାଇଁ ସନ୍ଧ୍ୟାରେ ବୈଠକ ଅନୁଷ୍ଠିତ ହେବାକୁ ଯାଉଛି। ବୈଠକରେ ଭବିଷ୍ୟତ ରଣନୀତି ସମ୍ପର୍କରେ ଅଲୋଚନା ହେବ। ଅସନ୍ତୁଷ୍ଟ ବିଧାୟକମାନେ ବୈଠକମାନେ ଯଦି ନୀତିଶକୁ ସମର୍ଥନ ନ କରନ୍ତି, ତା’ହେଲେ ଜେଡିୟୁ ସଙ୍କଟରେ ପଡ଼ିପାରେ। ଜେଡିୟୁର ପୂର୍ବତନ ସଭାପତି କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀଙ୍କୁ ସାକ୍ଷାତ କରିଛନ୍ତି। ରାହୁଲଙ୍କୁ ସାକ୍ଷାତ କରିବା ପରେ ଏହି ବୈଠକର ଅୟୋଜନ କରାଯାଇଥିବା ଜଣାପଡ଼ିଛି। ଶରଦ ଯାଦବ ପୂର୍ବରୁ ନୀତିଶଙ୍କ ଉପରେ ଅସନ୍ତୁଷ୍ଟ ଅଛନ୍ତି।

ମତାମତ ଦିଅନ୍ତୁ

Please enter your comment!
Please enter your name here